Detektibe bat Mississippin

Philip Marlowe detektibea berpiztuko ote duten irakurtzen ari nintzela, gogora etorri zait behin guk ere ezagutu genuela detektibe bat. 1985eko irailean Bego eta biok AEBak zeharkatzen ari ginen beste lagun batzuekin batera, eta New Orleans hirira ailegatuta, erabaki genuen probatu nahi genuela gurpil-bapore horietako bat, Mark Twain idazleak hainbestetan aipatutakoak bere eleberrietan.

Ontziaren gainaldean gindoazela, gizon txiki bat hurbildu zitzaigun. Esan zigun detektibe pribatua zela, eta argazki bat erakutsi zigun, ea gizon hura ikusi genuen. Guk, ezetz. Azaldu zigun emakume batek kontratatu zuela, baina ez dut gogoratzen zertarako. Bost bat minutu egin zituen gurekin berbetan, eta gero alde egin zuen, beste batzuei galdetzera. Gizon arrunta zen, antzik bakoa Philip Marlowe edo Humphrey Bogart-ekin, baina bazekien jendea tratatzen.

Kategoria: albistea Etiketak , , , , . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude